Б.ЭНХ-ЭРДЭНЭ: Монгол Улсад импортлогдож буй мал, амьтан тэдгээрийн гаралтай түүхий эд, бүтээгдэхүүний нилээдгүй хувь нь Сэлэнгэ аймаг дахь Алтанбулаг авто замын боомтоор нэвтрэн орж ирдэг. Импортлогдож буй, бараа бүтээгдэхүүнд гаалийн хорио цээрийн хяналт шалгалтыг холбогдох хууль тогтоомж, олон улсын гэрээ, хэлэлцээрт нийцүүлэн хийж байна. Тухайн барааг импортлохын өмнө аж ахуйн нэгж нь гаалийн цахим систем болох caps.gaali.mn сайтаар нэвтрэн орж шаардлагатай бичиг баримтуудыг илгээн хүссэн газраасаа цаг алдалгүйгээр “Импортын мэдэгдэл”-ийг авч, шийдвэрлүүлэх боломжтой.