“Хөгжлийн хөтөч дэд бүтэц төсөл”-ийг хэрэгжүүлэх

“Хөгжлийн хөтөч дэд бүтэц төсөл”-ийг хэрэгжүүлэхээр Сангийн яамны холбогдох албан тушаалтан, япон улсын мэргэжилтнүүд Сэлэнгэ аймаг дахь гаалийн газар болон Сүхбаатар боомт, Алтанбулаг боомтонд 2016 оны 12 дугаар сарын 02-ны өдөр ажиллалаа.

Төслийн багийнхан 2017-2020 оны мөрийн хөтөлбөр, ГЕГ-ын боомтын хөгжлийн хөтөлбөрт тусгагдсаны дагуу хил хяналтын байгууллагууд болох Сэлэнгэ аймаг дахь Гаалийн газрын удирдлагууд, Хил хамгаалах ерөнхий газрын харьяа хилийн цэргийн 0101 дүгээр ангийн удирдлага, Иргэний харьяалал шилжилт хөдөлгөөний газрын удирдлага, Хилийн мэргэжлийн хяналтын газрын удирдлага, Улаанбаатар төмөр замын харьяа төмөр замын сүхбаатар өртөөний удирдлагуудтай өнөөгийн тулгамдсан асуудлын талаар нээлттэй хэлэлцүүлэг хийж газар дээр нь очиж ажил байдалтай танилцлаа.

Бид эрүүл гаальчин

Сэлэнгэ аймаг дахь гаалийн газрын дарга М.Дамдинхоролын санаачилгаар “МВ монголия” дугуйн холбоотой хамтран бид эрүүл гаальчин сэдэвт дугуй аялал зохион байгуулан ажиллалаа.

Эрүүл гаальчин дугуйн аялал 2016 оны 11 дугаар сарын 26-ны өдөр Сэлэнгэ аймаг дахь гаалийн газраас-ээж мод-сайхны хөтөл чиглэлд нийт 42 км аялыг гаалийн улсын байцаагч нар болон дугуйн холбооны аялагч нартай туршлага солилцон нөхөрсөг аялал боллоо.

Бидний амжилт үргэлжилсээр

 

    

Сэлэнгэ аймгийн засаг дарга Ш.Оргилын санаачилгаар 2016 оны 11 дүгээр сарын 04-06 ны өдрүүдэд
Сүхбаатар суманд үйл ажиллагаа явуулж буй төрийн албан хаагч нарын дунд зохион байгуулсан спортын арга хэмжээнд
Сэлэнгэ аймаг дахь гаалийн газрын эмэгтэй баг тамирчид “Сагсан бөмбөг”-ийн төрөлд хүрэл медаль, “Ширээний теннис”-ний төрөлд мөнгөн медаль хүртлээ.

Бод, сэтгэ, тунгаа

Хилийн мэргэжлийн хяналтын албанаас 2016 оны 11 дүгээр сарын 18-ны өдөр хил хяналтын 7 байгууллагын хооронд зохион байгуулласан “Бод, Сэтгэ, Тунгаа” оюун ухаан сорих тэмцээнд Сэлэнгэ аймаг дахь гаалийн газрын баг Тэргүүн байр эзэллээ

 

 

Хамтын ажиллагааг өргөжүүлэх нөхөрсөг уулзалт зохион байгууллаа

    

Сэлэнгэ аймаг дахь гаалийн газрын дарга М.Дамдинхорол, орлогч дарга Д.Ганбат, Алтанбулаг боомтын салбарын эрхлэгч Б.Батбаатар болон албаны дарга нар, ОХУ-ын Буриадын талаас Буриадын Гаалийн байгууллагын дарга Виктор Станиславич Томин, 1 дүгээр орлогч дарга Наталья Анатольевна Белова, Захиргааны албаны дарга Дарима Масловна Шакалаевна, Хиагт хилийн боомтын дарга Юрий Викторович Шалашников, Хиагт дахь шалган нэвтрүүлэх байгууламжийг хариуцсан гүйцэтгэх захирал Лариса Ильичнина Котошева нар оролцсон.
Уулзалтаар дараах асуудлыг хэлэлцсэн: Үүнд
1.    Оросын талаас Алтанбулаг боомт дахь рентгэн тоног төхөөрөжийн үйл ажиллагаатай танилцах
2.    Харилцан мэдээлэл солилцох гэрээний биелэлтийн үйл явц
3.    Харилцан туршлага солилцох замаар рентген тоног төхөөрөмжийн ашиглалтыг сайжруулах арга замыг эрэлхийлэх
4.    Рентгэн тоног төхөөрөмжийн тусламжтайгаар илрүүлсэн зөрчлийн талаарх мэдээллийг харилцах солилцох
5.    Бусад асуудал

  •     Мод тээвэрлэгчдийн хүсэлт
  •     Аймгийн Засаг даргад хандаж илгээх захидал
  •     Уламжлалт биеийн тамирын арга хэмжээг зохион байгуулах